Cymryd rhan
Fe wnaeth pandemig COVID-19 effeithio ar lawer ohonom mewn gwahanol ffyrdd. Mae yna lawer o ffyrdd i gymryd rhan yn y Diwrnod Myfyrio sy’n addas i chi a sut yr hoffech chi gofio a myfyrio.
Cynllunio digwyddiad
O gynulliadau bach gyda theulu a ffrindiau i ddigwyddiadau cymunedol mwy, gallwch chi gynllunio digwyddiad Diwrnod Myfyrio sy’n teimlo’n iawn i chi. Mae syniadau o ddigwyddiadau Diwrnod Myfyrio’r gorffennol yn cynnwys:
- Cael cyfarfod bach gartref gydag anwyliaid.
- Cynnal digwyddiad yn y gwaith; gallai hyn gynnwys rhannu gwybodaeth ac adnoddau, creu arddangosfeydd ar gyfer ymwybyddiaeth neu godi arian i elusen.
- Trefnu digwyddiad ar gyfer y gymuned ehangach, megis taith gerdded goffa mewn man gwyrdd, gwasanaeth myfyrio neu ddefnyddio lleoliad i gynnig man galw heibio cefnogol.
Dod o hyd i ddigwyddiadau yn eich ardal chi
Wrth i ni agosáu at y diwrnod, defnyddiwch y dudalen hon i ddod o hyd i ddigwyddiadau sy’n digwydd yn eich ardal chi.
Cyflwyno digwyddiad
Gallwch ddefnyddio’r ffurflen isod i gyflwyno’ch digwyddiad i’r Map Coffáu sydd ar ddod.
Ffyrdd eraill o gymryd rhan
Nid cynllunio neu fynychu digwyddiadau yw’r unig ffordd i gymryd rhan. Dyma rai syniadau ar gyfer gweithgareddau y mae pobl a grwpiau wedi’u defnyddio o’r blaen.
- Gwneud ‘cofeb fach’, i’w gosod yn eich ffenestr neu rywle arall i ledaenu ymwybyddiaeth
- Goleuo cannwyll er cof am rywun rydych wedi’i golli
- Cynnal munud o fyfyrio tawel i eraill
- Rhannu atgofion neu luniau o anwyliaid neu ysgrifennu’ch profiadau
- Rhoi arian i elusen a’ch helpodd chi neu’ch cymuned yn ystod y pandemig
- Llofnodi llyfr coffa ar-lein, i adael teyrnged ddigidol
- Gwneud gweithred o garedigrwydd i ffrind, aelod o’r teulu neu gymydog